Shin wani zai iya amfani da BVN ya satar min kudi a Banki na?

2
2101

Wannan ita ce tambayar da mutane da dama suke yawan yi a lokacin da kamfanoni ko ma’aikatu suka nemi mutum ya bayar da lambobin BVN din sa.

Kafin mu bayar da wannan amsar, da farko dai ya kamata mu fara tambayar kanmu shin wai mene ne BVN?

BVN na nufin Bank Verification Number wato waɗansu lambobi da banki suke baiwa kowane mutum bayan sun karɓi waɗansu bayanai daga gare ka wanda ya kun shi, cikakken sunanka, da adireshinka, da lambar wayarka da hoton fuskarka, da hotunan ‘yan yatsunka.

Wannan shine BVN kuma makasudin yin sa shine domin tabbatar da tsare dukiyar jama’a da tantance adadin jama’ar da suke yin mu’amala da bankuna a kowace kasa.

Bayan banki sun karɓi wannan bayanai duk wani asusun ajiyar kudi da zaka bude a kowane banki ba sai ka sake bayar da bayanan ka ba, kana basu wannan lambar shike nan suna da komai naka.

Sai mu koma ga amsar tambayar mu na cewar Shin ana iya satar kudin mutum ta amfani da BVN? Wannan maganar kwata-kwata ba gaskiya bace, babu alaka da tsakanin BVN da Account number din ka ta wurin cire kudi. Domin da za ka je banki cire kudi sai ka manta ka rubuta BVN dinka a takardar karbar kudi, mai biya ba zai iya sanin account dinka ba.

Akwai banbanci tsakanin BVN da PIN number dake jikin ATM dinka, wanda shi PIN din ATM shike da hatsari sosai wurin fadawa hannun miyagun mutane.

Amma duk da haka ba mu ce ko ina ka saki BVN dinka ba.

2 COMMENTS

  1. Masha Allah Allah ya saka da alkhairi

    Zan so malaman yafara bayani akan Blogger/Wordpress da abubuwan da ya kunsa domin wayar ma da al’umma kai.

    Domin kara fadada harshen Mu ako ina a fadin Duniya, da kuma kara fahimtar da al’umma cewa a halin yanzu zasu iya yin Bincike da Hausa ba dole sai da English ba

    A lokacin da wani yaga ina yin bincike da Hausa abin da ya fara tambaya shine:

    Shin dama ana iya bincike akan abinda ya shafi Kimiya da Fasaha da Hausa? Ko wani abu makamancin hakan??

    Eh

    Amsar dana basa yayi mamaki Saboda a tinanin sa bai taɓa tinanin hakan ba.

    Faɗaɗa wannan hanyar wajen wayar ma da al’umma kai akan yadda zasu mallaki Blog/Website cikib sauki, da kuma avubuwan da ya kamata su sani kafin su fara aiki da hakan.

    Fatan Alkhairi

LEAVE A REPLY

Please enter your comment!
Please enter your name here